કુન્તા શાહની ચિત્રકલા-૫ (અંતિમ)

રાજ મહેલ

કુન્તાબહેન જ્યારે ઉદયપુરની મુલાકાતે ગયા હતા ત્યારે ત્યાંના રાજ મહેલોની શોભા જોઈને એમને ખૂબ આનંદ થયો હતો. ચિત્રમાં એક દરબારીની પત્નિ પોતાની હવેલીની કમાનોમાંથી, તળાવની સામી પાળે રાજ મહેલમાં રાજાને મળવા ગયેલા પતિની આતુરતાથી રાહ જોતી અને આંટા મારતી જણાય છે. સ્ત્રીના રાજસ્થાની વસ્ત્રો અન આભુષણો, તળાવમાં મકાનોન અને વૃક્ષોના પડછા, આકાશના સંધ્યાકાળના રંગ વગેરેને યાદ કરી કરીને આલેખ્યા છે.

ક્યાં માળો બાંધીયે?

કુન્તાબહેનને ચિત્રકળાની બારીકાઈઓ શીખવી હતી, અને એના ઉપર હાથ અજમાવવો હતો. એમણે વિચાર્યું, પક્ષીઓના પીછાંમાં જે જીણવટ છે અને જે રંગોની વિવિધતા છે, બીજે ક્યાં જોવા મળશે? એમના મનમાં એક દૃષ્ય ખડું થયું. કોણીફરસના વ્રુક્ષ ઉપર ચડતી એક વેલ હોય, અને નર અને માદા પક્ષી પોતાના આવનારા સંતાનો માટે માળો બાંધવા માટે યોગ્ય જગ્યા શોધતા હોય. બસ દૃષ્યને એમણે મૂર્ત સ્વરૂપ આપી દીધું. માનવ આકૃતિનો પડછાયો પણ કોઈ ગુઢ વાત કહી રહ્યો હશે!! 12” X 16” એક્રીલીક રંગોવાળું ચિત્ર ૨૦૦૭ માં તૈયાર કર્યું છે.

કોડ લેન્ગવેજ

ચિત્ર કુન્તાબહેનને ખૂબ પ્રિય છે, કારણ કે એમના દિકરાને લિયોનાર્ડો વિંચીની કલાકૃતિ અને કોડમાં ખૂબ રસ પડ્યો હતો. આવા કોઈ કોડને કુન્તાબહેને ચિત્રમાં છૂપવી દીધો છે. એ  સુત્રને ગુઢ રીતે વ્યક્ત કરવા બગીચાની વાડની કમાન, બોલ રમતા પુત્ર અને પૌત્ર, ઇટાલિઅન સાયપ્રસ વૃક્ષ, પથ્થર અને સુર્યમુખિ ફૂલોની સહાય લીધી છે. 24” X 18” ના એક્રીલીક રંગોવાળા ચિત્રને ૨૦૧૭ માં તૈયાર કર્યું છે.

ઘર આંગણે બગીચો

કુંતા બહેનના દીકરાએ જ્યારે ડુંગરાળ  જમીન પર બગીચો બનાવ્યો ત્યારે કુન્તાબહેનને એણે વિનંતિ કરી કે એને ચિત્રમાં મઢી લે.  આબેહૂબ ચિત્ર બનાવવા માટે દિવાલ ઉપરની એક એક પથ્થરની લાદી ગણવી પડેલી. પ્રત્યેક લાદીનો રંગ ધ્યાનમાં લેવો પડેલો. આ કામ એટલી બધી ધીરજ અને મહેનત માગી લે છે, કે જો તમે ચિત્રકલાના વિદ્યાર્થી ન હો તો તમે ન સમજી શકો. 30” X 24” મોટા કેનવાસ ઉપર એક્રીલીક રંગોથી આ ચિત્ર એમણે ૨૦૧૭ માં તૈયાર કરેલું.

આ ચિત્ર એમણે મને એમના સેલ ફોનમાં દેખાડેલું, ત્યારે મને પહેલીવાર ખ્યાલ આવ્યો કે જે કુન્તાબહેનને હું પાંચેક વરસથી ઓળખું છું એ એક સારા ચિત્રકાર છે.

૨૦૧૭માં, ૩૦”  ૨૪”ના કેનવાસ પર એક્રિલિક રંગોથી આ ચિત્ર સજાવ્યું છે.

 મારા આંગણાંમાં તમારા ચિત્રો પ્રદર્શિત કરવા બદલ તમારો ખૂબ ખૂબ આભાર કુન્તાબહેન. ફરી નવા ચિત્રો દોરો ત્યારે મને જાણ કરજો.

Advertisements

4 thoughts on “કુન્તા શાહની ચિત્રકલા-૫ (અંતિમ)

  1. કુન્તાબહેન,
    ખુબ સુંદર ચિત્રો. પ્રદર્શિત કરવા માટે આનંદ સાથ આભાર.
    સરયૂ પરીખ

    Like

પ્રતિભાવ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Google photo

You are commenting using your Google account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s