ભારતીય ચિત્રકારોના જગવિખ્યાત ચિત્રો-૨

(૫) તૈયબ મહેતા

તૈયબ મહેતાનું આ અતિ પ્રસિધ્ધ ચિત્ર “મહિષાસુર” છે. આ કોઈપણ ભારતીય ચિત્રકારનું પ્રથમ ચિત્ર છે કે જે ૨૦૦૫ માં ક્રીસ્ટીના લીલામમાં પંદર લાખ ડોલરથી પણ વધારે કીમતમાં વેંચાયું હતું. તૈયબ મહેતાએ પૌરાણિક પ્રસંગને બ્રસના શક્તિશાળી સ્ટ્રોકસથી અને સંદેશ આપતા રંગોથી મૂર્ત કરી, કલાજગતમાં ખળભળાત મચાવી દીધો.

 

 

 

 

 

(૬) રવિન્દ્રનાથ ટાગોર

નોબલ પુરસ્કાર વિજેતા ગુરૂદેવ રવિન્દ્રનાથ ટાગોરનું આ સેલ્ફ પોર્ટ્રેઈટ છે. એમણે ચિત્ર દોરવાનું કામ ૧૯૨૪ માં ૬૩ વર્ષની વયે શરૂ કર્યું હતું. એકણે પેંસીલ,પેન અને બ્રસથી હજાર સ્કેચ અને ચિત્રો બનાવ્યા, પણ એ બધામાંથી એમનું આ સેલ્ફ પોરટ્રેઈટ વધારે પ્રખ્યાત થયું. એમાં નવશિખીયાએ દોરેલી પેન્સીલની લાઈનો જેવી લાઈનો દોરી પોતાના દાઢી મુછો વાળો સંપુર્ણ ચહેરો દોર્યો છે. આ ચિત્ર લીથોગ્રાફીક કોપી છે.

(૭) જેમીની રોય

જેમીની રોય આધુનિક ચિત્રકળાના શરૂઆતી દોરના ચિત્રકાર છે. એમના ત્રણ પુજારણ ચિત્રને કલાજગતમાં માસ્ટરપીસ ગણવામાં આવ્યું છે. બદામના આકારવાળી આંખો આ ચિત્રનું ખાસ આકર્ષણ છે. લોકકલા ઉપર આધારિત આ ચિત્ર એના નયનરમ્ય રંગો અને એક આગવી શૈલી માટે જાણીતું છે.

(૮) એમ. એફ. હુસેન

એમ. એફ. હુસેન એમના ઘોડાઓના ચિત્રો માટે જાણીતા છે. આ ચિત્રમાં એમણે ઘોડાઓની શક્તિ અને હિમ્મત દર્શાવ્યા છે. આ ચિત્રની પ્રત્યેક રેખા મજબૂત છે, જે ઘોડાઓની રફતારની શક્તિ દર્શાવે છે. ૨૦૦૮ માં ક્રીસ્તીના લીલામમાં આ ચિત્ર ભારતીય ચલણમાં એક કરોડ રૂપિયામાં વેંચાયું હતુ.