હે….અલખનો રાસડો રમણે ચડ્યો
ને રાધા બાવરી શોધે છે કાનને…
હે…વાતા વાસંતી મધુરા વાયરા ને રાસે રમંતા સહુ ભૂલ્યા છે ભાનને…
ચોમેર છલોછલ છલકાતા રંગો
તેમાં રાધાને કાન ક્યાંથી જડે રે લોલ
બસ એક જ મોરપીંચ્છના સહારે કાન
કાળાની ખબર જ્યાં પડે
તેમાં રાધાને કાન ક્યાંથી જડે રે લોલ
લજવાયેલ રાધાની નમણી રતાશ
જ્યાં કેસુડો પાણી ભરે
સઘળા લોભામણા રંગોની ઝરમરમાં
કાનાની કાળાશ તરે
હે..રંગવા બંનેને એક જ રંગમાં રંગો ચડે ચડભડે
તેમાં રાધાને કાન ક્યાંથી જડે રે લોલ
ચોમેર છલોછલ….
કાનના કામણથી રંગાયા રંગ હવે
સહુનાં મનડાં હરે
સત્યા, રુકિ, ગોપી,મીરાંના ચહેરા પર
આખુંય મેઘધનુ સરે
કેટકેટલીય પ્રીતના દડદડતા રંગો
રાધાને કેમ પરવડે?
તેમાં રાધિને કાન ક્યાંથી જડે રે લોલ
ચોમેર છલોછલ….
યામિની વ્યાસ
Attachments areaPreview YouTube video ગરબો:યામિની વ્યાસ સ્વરાંકન/સ્વર:સોનલ વ્યાસગરબો:યામિની વ્યાસ સ્વરાંકન/સ્વર:સોનલ વ્યાસ
દાવડાનું આંગણું 
લજવાયેલ રાધાની નમણી રતાશ
જ્યાં કેસુડો પાણી ભરે…સરસ.
LikeLiked by 2 people
કેટકેટલીય પ્રીતના દડદડતા રંગો
રાધાને કેમ પરવડે?
તેમાં રાધિને કાન ક્યાંથી જડે રે લોલ
ચોમેર છલોછલ
સુ શ્રી:સોનલ વ્યાસના સ્વરમા માણવાની મઝા
LikeLiked by 1 person
excellent garba during navratri & shard purnima na. radha ane kna ni sathe grba ma hal (aj ni india) ni parishtithi ne bhegi lidhi che. , khub sars. ma trisur lae ne avje ,nari salamat nathi etc, EXCELLENT RAJUAT BY YAMINI BEN VYAS NI.
LikeLiked by 1 person