કાવ્યધારા-૫

  હજીયે, હજીયે ચચરે છે – પન્નાબેન નાયક

પંચમહાભૂતોનું બનેલું

બાનું શરીર

ક્યારનુંય

ભસ્મીભૂત થઈ

નામશેષ થઈ ગયું

કાવ્યધારા-૪

 

ગોઝારી વાવ – મનીષા જોષી

હાં, હાં, એ માણસ જીવે છે હજી, એના ઘરમાં, સુખેથી.
પણ મરી ગયો છે એ મારા માટે.
અને એટલે જ હું રોજ એના નવા નવા
મૃત્યુની કલ્પના કરું છું.

રસ્તા પર ચાલતા ટ્રકનાં પૈડાં એના પર ફરી વળે છે.
અને હું બાજુમાં શાંત રાહદારીની જેમ પસાર થતી હોઉં છું.
તો ક્યારેક એની લાશ રેલવેના પાટા વચ્ચે મળી આવે છે.
અને હું એના મૃતદેહ પરથી પસાર થતી ટ્રેનમાં
મુસાફરી કરતી હોઉં છું.
ક્યારેક હું મારી સાડીના પાલવને ગાંઠ મારતી હોઉં છું
અને એના ગળામાં ફાંસો હોય છે.
હું મંદિરમાં દીવા પ્રગટાવતી હોઉં છું
અને એનું આખું શરીર સળગતું હોય છે.
ક્યારેક એ કોઈ ગોઝારી વાવના તળિયે પડ્યો હોય છે
અને હું એ વાવમાંથી પાણી ભરતી હોઉં છું.
રોજ રાત્રે યમરાજ આવે છે.
પેલા કાળમુખા પાડા પર બેસીને.
કરગરે છે, એને લઈ જવા માટે.
પણ હું એને રજા નથી આપતી.

કાવ્યધારા-૩

મુકેશ જોષીની કવિતા “કાગળ લખવાના એ દિવસો” નો  હિતેન આનંદપરા દ્વારા  આસ્વાદ

આજે તારો કાગળ મળ્યો

ગોળ ખાઈને દિવસ ઊગે, એવો દિવસ ગળ્યો

કાવ્યધારા-૨ (રજુઆતઃ જયશ્રી વિનુ મરચંટ)

(આજે “કાવ્યધારા”માં, મનીષા જોષીના “સ્ત્રી” કાવ્યનો આસ્વાદ શ્રી મુકેશ જોષીએ કરાવ્યો છે. “આંગણાં”નું આ સદભાગ્ય છે કે આજે આ શ્રેણીના બીજા સપ્તાહમાં ગુજરાતી સાહિત્યના બે સક્ષમ અને યુવાન કવિઓના શબ્દોની જુગલબંધીને માણવાનો મોકો મળી રહ્યો છે. )

કાવ્યધારા-૧

(આંગણાંમાં આજથી “કાવ્યધારા” શ્રેણી શરૂ થાય છે. જાન્યુઆરીથી માર્ચ મહિનાઓ દરમ્યાન બે સક્ષમ કવયિત્રી મનીષા જોશી અને પન્ના નાયકના કાવ્યોનો આસ્વાદ અન્ય સક્ષમ સાહિત્યકારો શ્રી હિતેન આનંદપરા, શ્રી મુકેશ જોશી, શ્રી અનિલ ચાવડા અને શ્રીમતિ જયશ્રી વિનુ મરચંટ કરાવશે.