Category Archives: રેખા ભટ્ટી

રેખા ભટ્ટીની વાર્તાઓ – ૪

ઋતુંભરા

આચાર્ય ભાવેન્દુ એ  કહ્યું ”આ દેહ નશ્વર છે અને એ પણ વારંવાર મળતો નથી તેથી આ જગતમાં આવ્યા પછી બને તેટલા સારા કામો કરવા. સહુ થી સારું કામ, હે શિષ્યો; તમને શું લાગે છે? તે માટે આજનો દિવસ તમને વિચાર કરવા માટે આપું છું. આવતી કાલે આપણે બધા જ ફરીથી આ વિષે વાત કરવા અત્રે એકત્ર થઈશું. પણ યાદ રહે આ માત્ર વાતોના વડા  કરવા માટે નથી, તમે જે કાર્યને માનવ જીવનનું સર્વ શ્રેષ્ઠ કાર્ય ગણાવશો, તે મુજબનું તમાંરે  પછીનું જીવન પણ જીવવું પડશે. માટે જોઈ વિચારીને આવતી કાલે પોતાની વાત રાખશો.” આટલું કહીને આચાર્ય પોતાની  કુટિરમાં જતા રહ્યા. Continue reading રેખા ભટ્ટીની વાર્તાઓ – ૪

રેખા ભટ્ટીની વાર્તાઓ – ૩

                    ઉજળુ વરણ                 

કાવ્યા જયારે લગ્ન કરીને આવી ત્યારે તેની ઉમર થોડી નાની કહેવાય ખરી. 17 વર્ષ. પણ લગ્નની પ્રથમ રાત્રે જ તેને ખબર પડી ગઈ કે પતિ પુરુષમાં નથી. જોકે તેના પતિનો પણ કોઈ ઈરાદો તેને છેતરવાનો ન હતો, કારણકે આ બાબતનું કોઈ જ્ઞાન તેને હતું જ નહિ; એમ કહીયે તો પણ ચાલે. ઉચ્ચ વર્ણ એટલે આવી કોઈ ચર્ચા ઘરમાં કે મિત્ર વર્તુળમાં થતી ન હતી. એટલે તે પણ મુંજાઈ ગયો હતો. થોડા દિવસ તો આમ જ પસાર થઇ ગયા. કાવ્યા હજી પણ કુંવારિકા જ હતી. ધીમે ધીમે તેના પતિને વાસ્તવિકતાનો ખ્યાલ આવતો ગયો. પણ હવે તો ઘણું જ મોડું થઇ ગયું હતું. આ વાત પતિને મનમાં અને મનમાં મુંજવતી હતી. તેને લાગ્યું કે આજ નહિ તો કાલે પણ વાત જાહેર તો થશે જ. ત્યારે પોતાને શરમથી ડૂબી મરવાનો વારો આવશે. અત્યંત શોક્ગ્રસ્ત અવસ્થામાં તે લગભગ ડિપ્રેશનમાં સરી પડ્યો. આવી વાત કરવી તો પણ કોને કરવી? તેને તો કોઈ એવો ખાસ મિત્ર પણ ન હતો કે આવી વાત શેર કરી શકાય.

Continue reading રેખા ભટ્ટીની વાર્તાઓ – ૩

રેખા ભટ્ટીની વાર્તાઓ –૨

આશા અને વિજય

ગંગાપ્રસાદની ચાની દુકાન નવસારી રેલવે સ્ટેશન સામે જ. ઘણા વારસો પહેલા તેની ત્યાં જ ચાની લારી હતી. તેની ચા વખણાતી એટલે લારી સારી ચાલતી પછી ત્યાં જ તેણે દુકાન કરી. વર્ષોથી એક ધારી કવોલિટી એટલે ઘરાકી ઘણી અને એટલે જ તે લારીમાંથી દુકાન કરી શક્યો હતો. આટલા વર્ષે પણ કોઈને તેના વિષે જાજી ખબર ન હતી કે તે કોણ છે? ક્યાંનો મૂળ રહેવાસી છે? કેટલાક લોકોને તો ચા પીવા સાથે જ મતલબ હતો; તો કેટલાક ખંણખોદીયા એમ માનતા કે નામ પરથી તો લાગે છે કે તે બિહારનો હોવો જોઈએ. તો બીજો ખણખોદીઓ પૂછતો પણ તો આટલા વર્ષમાં ક્યારેક તો બિહાર જાય ને? છેલ્લા કેટલાય વર્ષોથી કોઈએ તેને સવારના પાંચ થી રાતના અગ્યાર સુધી આ દુકાન સિવાય ક્યાંય જોયો નથી. રાતે ઘરે જાય. બપોરે તેનો દીકરો વિજય  ટિફિન આપી જાય. તો કોઈ વળી કહેતું બિહાર જાય તો પોલીસ કદાચ વોરંટ બજાવે તેવું કૈક હશે. કોણ જાણે કોઈકનું ખુન બુન કરીને ભાગી આવ્યો હશે. તો કોઈ કહેતું દાળમાં કાળું તો છે જ. કેટલાક તેના દીકરાને પૂછવાની કોશિશ કરતા. પણ દીકરો અઢી વરસનો હતો ત્યારથી તો અહીં જ છે. તેને પણ કઈ જ ખબર નહોતી.

Continue reading રેખા ભટ્ટીની વાર્તાઓ –૨

રેખા ભટ્ટીની વાર્તાઓ – ૧

અંકિતા

કરોડપતિ સુમનલાલ શેઠના એકના એક પુત્ર મોન્ટુએ  જયારે  પોતાની સાથે M B A ના ફાઇનલ ઈયરમાં ભણતી સુમનલાલ શેઠના જ પાર્ટનર શાંતિલાલ શેઠની એકની એક દીકરી અંકિતાને પ્રપોઝ કર્યું, ત્યારે મોન્ટુના આશ્ચર્ય વચ્ચે અંકિતાએ તેનો ઇન્કાર કર્યો. છેલ્લા 3 વર્ષથી તે અને વિકી ગળાડૂબ પ્રેમમાં હતા. વિકી મધ્યમ વર્ગનો પણ હોશિયાર છોકરો હતો. જયારે મોન્ટુને તો તેના પપ્પાનો ધંધો સાંભળવાનો હોવાથી કોલેજ તો તેને માટે એક મોજ મસ્તી કરવાની જગ્યા હતી. તેના પૈસાને કારણે ઘણી છોકરીઓ તેની આગળ પાછળ ફરતી અને કેટલીક તો તેની જીવન સાથી બનવાના ખ્વાબો પણ દેખતી. મોન્ટુને બિલકુલ ખબર ન પડી કે અંકિતાએ તેને કેમ ના પાડી. કારણકે વિકી અને અંકિતાનો પ્રેમ એટલો બધો છૂપો છૂપો ચાલતો કે કોઈને  પણ તેની ગંધ આવતી નહિ.

Continue reading રેખા ભટ્ટીની વાર્તાઓ – ૧

મને હજી પણ યાદ છે – રેખા ભટ્ટી

                         મને હજી પણ યાદ છે                                                 

સરકારી હોસ્પીટલમાં હું નર્સની નોકરી કરું છું. અનેક બહેનોની ડીલીવરી કરાવી છે પણ આ દરમ્યાન ક્યારેય મારી સાથે આવું નથી બન્યું. હું હજી પણ વિચારોમાં છું. મને હજી પણ વિશ્વાસ નથી આવતો કે મેં આ બધું જોયું છે. મેં આ બધું અનુભવ્યું છે. કે પછી મારી સાથે આવું બની ગયું છે. ખરેખર એક માને એક જનેતાને પોતાના વહાલસોયા બાળક માટે કેટલો બધો પ્રેમ હોય છે;  તે મેં જાણ્યું છે;  અનુભવ્યું છે. માં પોતાના બાળકને જીવથી પણ વધારે પ્રેમ કરતી હોય છે એટલે જ શાસ્ત્રોમાં પણ લખ્યું છે કે ”માં તે માં બીજા બધા વગડાના વા”  માની તુલનામાં કોઈ આવી શકાતું નથી. ભગવાન પોતે બધી જ જગ્યાએ પંહોચી શકતા નથી, તેથી જ ભગવાને આ સૃષ્ટિમાં માનું સર્જન કર્યું છે.

Continue reading મને હજી પણ યાદ છે – રેખા ભટ્ટી

રેખા ભટ્ટીના કાવ્યો

રેખાબહેન ભટ્ટી ભાગનગર સ્થિત સાહિત્યપ્રેમી અને સાહિત્ય સર્જક છે. એમના કાવ્યો અને વાર્તાઓ અનેક ગુજરાતી સામયિકોમાં પ્રસિધ્ધ થઈ ચૂક્યા છે. આકાશવાણી અને દૂરદર્શન ઉપરથી પણ એમણે એમની રચનાઓ રજૂ કરી છે. વિવિધ સાહિત્યને લગતી હરિફાઈઓમાં એમને પુરસ્કારો મળ્યા છે. ભાવનગરની બુધસભાના તેઓ સક્રીય સભ્ય છે. એક ગુજરાતી ફીલ્મની સ્ક્રીપ્ટ પણ લખી છે. ગુજરાત રાજ્ય ચેંબર ઓફ કોમર્સ એન્ડ ઈંડસ્ત્રીઝ તરફથી એમને સાહિત્ય ક્ષેત્રે વિશિષ્ટ પ્રદાન કરવા બદલ  મહિલાઓ માટેનો ગરિમા એવોર્ડ ૨૦૧૭ માં આપવામાં આવેલો.

આજે આંગણાંમાં એમના બે કાવ્યો રજૂ કરૂં છું.

Continue reading રેખા ભટ્ટીના કાવ્યો