હતો હું સૂતો પારણે પુત્ર નાનો (દલપતરામ)

 

હતો હું સૂતો પારણે પુત્ર નાનો

રડું છેક તો રાખતું કોણ છાનો

મને દુખી દેખી દુખી કોણ થાતું

મહા હેતવાળી દયાળી જ મા તું

સૂકામાં સુવાડે ભીને પોઢી પોતે

પીડા પામું પંડે તજે સ્વાદ તો તે

મને સુખ માટે કટુ કોણ ખાતું

મહા હેતવાળી દયાળી જ મા તું

લઈ છાતી સાથે બચી કોણ લેતું

તજી તાજું ખાજું મને કોણ દેતું

મને કોણ મીઠા મુખે ગીત ગાતું

મહા હેતવાળી દયાળી જ મા તું

પડું કે ખડું તો ખમા આણી વાણી

પડે પાંપણે પ્રેમનાં પૂર પાણી

પછી કોણ પોતાતણું દૂધ પાતું

મહા હેતવાળી દયાળી જ મા તું

– દલપતરામ

Continue reading હતો હું સૂતો પારણે પુત્ર નાનો (દલપતરામ)

Advertisements

લોકક્લાના જાગૃત સંત્રી પદ્મશ્રી જોરાવરસિંહ જાદવ – ૨

જોરાવરસિંહ જાદવે મોતી વિણ્યાં અણમૂલ (સંસ્કૃતિમાંથી સાભાર)

મલપતી મહાલતી ફલંગે ચાલતી,

સાંઢણીઓ તણાં ઝુંડ ફરતાં

પવનથી ચમકતાં ઘોડલાં ઘમકતાં

ધમકતાં ધરણ પર પાંવ ઘરતાં

ઢળકતી ઢેલ-શી રણકતી માણકી

થનગનતી કોંતલો કનક વરણી

ભારતી માતને ખોળલે ખેલતી

ધન્ય હો ! ધન્ય હો ! કચ્છ ધરણી !

Continue reading લોકક્લાના જાગૃત સંત્રી પદ્મશ્રી જોરાવરસિંહ જાદવ – ૨

પીયરને પીપળેથી આવ્યું પારેવડું (અવિનાશ વ્યાસ)

પીયરને પીપળેથી આવ્યું પારેવડું,
પારેવડાં ને સોના કેરી ચાંચ રે..
પારેવડાં ને કોઇ ના ઉડાડશો..

Continue reading પીયરને પીપળેથી આવ્યું પારેવડું (અવિનાશ વ્યાસ)

રેખા ભટ્ટીની વાર્તાઓ –૨

આશા અને વિજય

ગંગાપ્રસાદની ચાની દુકાન નવસારી રેલવે સ્ટેશન સામે જ. ઘણા વારસો પહેલા તેની ત્યાં જ ચાની લારી હતી. તેની ચા વખણાતી એટલે લારી સારી ચાલતી પછી ત્યાં જ તેણે દુકાન કરી. વર્ષોથી એક ધારી કવોલિટી એટલે ઘરાકી ઘણી અને એટલે જ તે લારીમાંથી દુકાન કરી શક્યો હતો. આટલા વર્ષે પણ કોઈને તેના વિષે જાજી ખબર ન હતી કે તે કોણ છે? ક્યાંનો મૂળ રહેવાસી છે? કેટલાક લોકોને તો ચા પીવા સાથે જ મતલબ હતો; તો કેટલાક ખંણખોદીયા એમ માનતા કે નામ પરથી તો લાગે છે કે તે બિહારનો હોવો જોઈએ. તો બીજો ખણખોદીઓ પૂછતો પણ તો આટલા વર્ષમાં ક્યારેક તો બિહાર જાય ને? છેલ્લા કેટલાય વર્ષોથી કોઈએ તેને સવારના પાંચ થી રાતના અગ્યાર સુધી આ દુકાન સિવાય ક્યાંય જોયો નથી. રાતે ઘરે જાય. બપોરે તેનો દીકરો વિજય  ટિફિન આપી જાય. તો કોઈ વળી કહેતું બિહાર જાય તો પોલીસ કદાચ વોરંટ બજાવે તેવું કૈક હશે. કોણ જાણે કોઈકનું ખુન બુન કરીને ભાગી આવ્યો હશે. તો કોઈ કહેતું દાળમાં કાળું તો છે જ. કેટલાક તેના દીકરાને પૂછવાની કોશિશ કરતા. પણ દીકરો અઢી વરસનો હતો ત્યારથી તો અહીં જ છે. તેને પણ કઈ જ ખબર નહોતી.

Continue reading રેખા ભટ્ટીની વાર્તાઓ –૨

દ્વારકામાં કોઇ તને પૂછશે (ઈસુભાઈ આયદાન ગઢવી)

દ્વારકામાં કોઇ તને પૂછશે કે કાન!
ગોકુળમાં કોણ હતી રાધા?
તો શું જવાબ દઇશ માધા?

Continue reading દ્વારકામાં કોઇ તને પૂછશે (ઈસુભાઈ આયદાન ગઢવી)

મને હજી યાદ છે – ૮૧ (બાબુ સુથાર)

પહેલી વાર બેકાર

હવે મને અણસાર આવી ગયેલો કે યુનિવર્સિટી ઓફ પેન્સિલવેનિયામાં ગુજરાતી ભાષાનું કોઈ ભાવિ નથી. એક બાજુ અમેરિકામાં બદલાતી જતી ભાષા પરિસ્થિતિ, બીજી બાજુ યુનિવર્સિટીની બદલાતી જતી ભાષાનીતિ, ત્રીજી બાજુ ડીપાર્મેન્ટનો ગુજરાતી ભાષા પરત્ત્વેનો અભિગમ. એમાં વળી વહીવટીતંત્રના અભિગમનો પણ સમાવેશ કરવો પડે. ચોથી બાજુ ઘટતા જતા વિદ્યાર્થીઓ. આ બધાની વચ્ચે હું ‘ગાંધીજીની ભાષા ભણો’-ની જાહેરાતો આપું તો પણ કોઈ અર્થ સરે એમ ન હતો. એટલે મેં વિચાર્યું: મારે કોઈક વૈકલ્પિક માર્ગ શોધવાનું શરૂ કરી દેવું જોઈએ. પણ વરસો સુધી ભાષાનું અને એ પણ એકેડેમિક કામ કર્યા પછી ભલભલા માણસો અર્થહીન (insignificant­) થઈ જતા હોય છે. મને પણ એવું લાગવા માંડ્યું હતું કે હું હવે ધીમે ધીમે insignificant માણસ બનવા તરફ જઈ રહ્યો છું.

Continue reading મને હજી યાદ છે – ૮૧ (બાબુ સુથાર)

હેલ્થ એન્ડ કેર ફાઉન્ડેશનના પડદા પાછળના ચહેરા (ડો. ભરત ભગત) – ૨

એ ન ચાલે, ચાલવા દે પણ નહીં

એક પણ પગલું ગલત, એ કોણ છે ?

              ડો. પ્રકાશ અમીન

અમારી ટીમના ખૂબ નિષ્ઠાવાન અને પોતાના વ્યવસાયની ઉચ્ચતમ કુશાગ્રતા ધરાવતા તબીબોની ઑપરેશનની કામગીરી અને ત્યાર બાદની સારવાર અને એ પણ વિના મૂલ્ય મળતી હોય, પરિણામો અદ્દભૂતઆવતાં હોય ત્યારેલાભાર્થીઓની લાઇન લાગે એ તદ્દન સ્વાભાવિક છે. રવિવારની અમારી પોલિયો ફાઉન્ડેશનની કાર્યવાહીનો આશય એટલો જ હતો કે પોલિયોથી અપંગ થયેલાં વધુમાં વધુ બાળકોને નિઃસ્વાર્થ અને નિઃશુલ્ક સારવાર આપવી. અમે બધા જ એને કર્મયોગ માનતા. સંપૂર્ણ અપેક્ષારહિત ભાવથી સહુ, માનવસેવાની આ તક મળે છે એ માટે ધન્યતા અનુભવતા.

Continue reading હેલ્થ એન્ડ કેર ફાઉન્ડેશનના પડદા પાછળના ચહેરા (ડો. ભરત ભગત) – ૨

ઓ પંખીડાં જાજે ( રસકવિ રઘુનાથ બ્રહ્મભટ્ટ )

(આજથી ૭૫ વર્ષ પહેલા સાંભળેલું આ નાટ્યગીત આજે પણ મને ખૂબ ગમે છે. રઘુનાથ બ્રહ્મભટ્ટ જેવા બીજા કોઈ રસકવિ કદાચ થયા જ નથી. -સંપાદક)

          ઓ પંખીડાં જાજે

          પારેવડાં જાજે પ્રીતમને દેશ

          કહેજે આટલો સંદેશ

          બાઈ મને પિયરિયે ગમતું નથી Continue reading ઓ પંખીડાં જાજે ( રસકવિ રઘુનાથ બ્રહ્મભટ્ટ )

ચિત્રકાર ડો. ગીતા આચાર્ય – ૪

૨૦૦૨ ના આ વોશ આપી પેનથી દોરવામાં આવેલા આ ચિત્રમાં વરસાદી વાદળોથી ઘેરાયલા આકાશની નીચેનું એક ઘર અને એની પછવાડેના એક વિશાળ વૃક્ષને અંકિત કર્યા છે. ગમે ત્યારે વરસી પડે એવા વરસાદથી બચવા એક સ્ત્રી ઉતાવડે જી રહી છે. રંગોને આછા ઘાડા કરી ઘરોની પરિસ્થિતિ બતાવી છે.

Continue reading ચિત્રકાર ડો. ગીતા આચાર્ય – ૪